येँ महानगरपालिका २७ वडाय् च्वंगु महिला जनचेतना समाजय् वंगु असार २६ गतेनिसें श्रावण ३ गते तक न्ह्यागु उद्घोषण, बौद्धिक व्यक्तित्व तथा नेतृत्व विकासया तालिम श्रावण ४ गते बुधबार क्वःचागु दु । येँ महानगरपालिका २७ वडाया नायः योगेश कुमार खड्गीजुया मू पाँहासुइ जुगू ज्याझ्वसं सल्लाहकार रोशनकाजी तुलाधर, इमेज च्यानलया महाप्रबन्धक रघुवर भक्त मानन्धर, हलिं नेवाः दबू नेपाः देय् मूकवःया नायः सुरेन्द्र भक्त श्रेष्ठ व येँ महानगरपालिका २७ वडाया महिला वडा सदस्य सृष्टि कंसाकार तुलाधरपिं पाँहाः कथं झायादिगु खः ।
थ्व ज्याझ्वःकथं १० न्हूया उद्घोषण तालिमय् ब्वतिकापिंत प्रमाणपत्र बिइगु जयाझ्वः व स्यनामि भाजु रमेशमान मूनिकारं प्रमाणपत्र सजेयानाः तयेत जक मखु स्यनागु ग्यान छ्यलादिइत सकल ब्वतिकापिंत आग्रह यानादिल । प्रशिछ्यार्थिपिं हेरालछ्य्मि महर्जन व इभा शाहीं थ्व ज्याझवः न्ह्याकुगु खः। अथेहे स्वागतया न्वचू थ्व संस्थाया सहसचिव नानीमैयाँ महर्जनं बियादिगु खः ।
ज्याझ्वया सभापति एवं महिला जनचेतना समाजया नायः भवानी भट्टराईजूं सहभागीपिं सकलसितं धन्यबाद बिसें ज्याझ्वः क्वःचागुया औपचारिक घोषणा यानादिगु खः। ज्याझ्वःसं ४ म्ह ब्वतिकापिंसं थःगु तालिमया अनुभव न्ह्यथनादिल ।