महानगरीय प्रहरी परिसर व काठमाण्डौं उपत्यका अपराध अनुसन्धान कार्यालयया टोलीं काभे्रस्थली छगु हे परिवारया प्यम्ह सिया सिम्हयात पोष्ट मार्टमया लागि शिक्षण अस्पताल महाराजगञ्ज यंकुगु दु । घटनाजुगु थासय् स्वय्बलय् छेँया मुलि हे घटना यागु अनुमान प्रहरी टोलि यागु दु ।
घटनास्थलय् स्वय्बलय् मस्त व माँम्ह छगु कोठाय् अले मुलि जक मेथाय् वना थगु म्हय् छुरा तिया तगु खनेदु ।
उगु घटना गबले जुल धका सुनान अनुमान याय् फुगु मदु । न्ह्याबले ल्वापुजुयाच्वनिगु तर छन्हु न्ह्य छुं हे आवाज मवगु जलाखला पिन्स कंगु खः । गुकि यानाः घटनाया खबर धासा कन्हेखुन्हु ८ बजे तिनि जलाखला पिन्स सिका प्रहरीयात खबर यागु खनेदु । थुगु घटनाय् मदुपि दिनेश पाण्डे, सुनिता पाण्डे काय् आशिक पाण्डे व म्ह्याय् आशिका पाण्डे खः ।
