येँ महानगरपालिका व स्यनामि दबूया प्राविधिक ग्वहालिकथं वंगु असार १७ गतेनिसें २३ गते तक न्ह्यागु आधारभूत तहया नेपालभाषा स्यनामिपिनिगु पुनर्ताजगी तालिमया समापन वंगु शनिवार याःगु दु । येँ महानगरपालिकाया उपमेयर मय्जु सुनिता डंगोलजुया मू पाँहासुइ जुगू ज्याझ्वसं शिछ्या अधिकारी रामकुमार सुवेदी, शिछ्या व स्वास्थ्य संयोजक चिनीकाजी महर्जन पाँहाः कथं झायादिगु खः ।
थ्व ज्याझ्वःकथं ब्वतिकयादिपिं सकल प्रशिछ्यण सहायकपिंसं मू स्यनामि भाजु बरुण प्रसाद बैद्य व सकल स्यनामिपिंत मतिनाया चिं ल:ल्हागु खः । सकल प्रशिछ्यण सहायकपिंत दसिपौ लःल्हागु खः । ज्याझ्वःयात सम्बोधन यासें येँ महानगरपालिकाया उपमेयर मय्जु सुनिता डंगोलजुं म्हो इलय् नेपालभाषा बिषय लोकंह्वागु व थुकिया कथं सकल प्रशिछ्यार्थि व प्रशिछ्यण सहायकपिनिगु मू भूमिका दुगु खं न्ह्यथनादिल ।