दक्षिण एसियाली देय्या पत्रकारपिनि संस्था सार्क पत्रकार मञ्च (एसजेएफ) या नेपाः कचा स्वंगु दु ।
मञ्चया केन्द्रीय कार्यकारिणी समितिया नायः राजु लामा व महासचिव मोहम्मद अब्दुर रहमानं शनिवाः छगू विज्ञप्ति पितबिसें राष्ट्रिय समाचार समिति (रासस) या प्रकाश सिलवालया संयोजकत्वय् ३५ म्ह दुजः दुगु समिति घोषणा याःगु दु ।
समितिइ अनन्त सुवेदी, विजय दिमदोङ, चिरञ्जीवी अधिकारी, दिपक श्रेष्ठ, दीपेन्द्र प्रजापति, गोपाल संग्रौला, हेमराज ढकाल, इफ्रान बाबु, जीवन पराजुली, करन ताम्राकार, कौशल घिमिरे, कमल राना, कविता थापा, लक्की चौधरी, लव प्याकुरेल, माधवप्रसाद तिवारी, नृपेन्द्रलाल श्रेष्ठ, पुष्पा अधिकारी, प्रकाश पण्डित, रुद्रश्रीस मगर, रञ्जित तामाङ, रवीन्द्र काफ्ले, रत्नकाजी महर्जन, सुरेन्द्रभक्त श्रेष्ठ, सुनील महर्जन, सुनील आचार्य, सामना वियोगी, टेकेन्द्रबहादुर महत, उद्धवकुमार कार्की, उत्तम श्रेष्ठ व यमन दनुवार दुजः तयातःगु दु ।
समितिया दुजःतय् न्हापांगु मुँज्यां थःगु कार्ययोजना व पदाधिकारी क्वःछीगु जूगु दु ।
सार्क दुने व्यावसायिक पत्रकारिता, प्रेस व अभिव्यक्ति स्वतन्त्रता लिसें पत्रकारपिनि पेशागत हक, अधिकारया निंतिं सन् २०१९ य् भारतय् स्थापित मञ्चं अन्तर्राष्ट्रियस्तरय् पत्रकारिताया गुणस्तर व पहुँचयात बल्लाका यंकेगु आज्जु तयातःगु दु ।
संगठनया आतक दक्षिण एसियाया देसय् शाखा विस्तार जुइधुंकूगु दुसा थुकिया मुख्यालय नेपालयु् हे दु ।
दक्षिण एसियाय् व्यावसायिक पत्रकारिताया विकास व प्रवद्र्धन यायेत, पत्रकारया जीवनस्तर थकायेत, सार्क देय्या पत्रकारपिनि दथुइ थवंथवय् भलसा, छम्हं मेम्हेसिया समस्या थुइकेत व मूल्यांकन यायेत मञ्चं भूमिका म्हिती । मञ्चयात दक्षिण एसियाली सदस्य देय्या पत्रकारं क्षेत्रीय पत्रकार निकायकथं मान्यता ब्यूगु दु ।
थुगु लागाय् पत्रकारिताया प्रवद्र्धन, विकास, विस्तार, नीतिगत सुधार व सार्क देसय् पत्रकारिता लागाया मंकाः आज्जु चूलाकेत मञ्चं ज्या याइगु धाःगु दु ।
