बरिस्ठ साहित्यकार अपर्णा प्रधानया प्यंगू सफू झीगु नख:चख: व जात्रापर्ब(निबन्ध संग्रह ), जि म्वानाच्वना (चिबाखं मुना), म बांचिरहेछु (नेपाली अनुबाद) व पराग (समालोचना) असार २८ गते आईतवाः पितब्वज्या जूगु दु ।
साहित्यकार प्रधानया छेँ लुभुइ जूगु ज्याझ्वलय् नेपालभाषा एकेडेमीया भाइस चान्सलर वरिष्ठ साहित्य समालोचक डा. पुष्पराज राजकर्णिकार मूपाहाँ कथं झायादीगु खः ।
समालोचक पुर्ण ताम्राकारया सभानायःसुइ जूगु ज्याझ्वलय् साहित्यकार ईश्वरी मैयाँ श्रेष्ठ , समालोचक भिमलाल श्रेष्ठ, मिसा साहित्य मुनाया नायः विमल प्रभा बज्राचार्य विशेष पाहाँकथं झायादीगु खः ।
प्यंगुलिं सफू कुतः प्रकाशनपाखें पिदंगु खःसा ज्याझ्वलय् कुतःया कजि विमल ताम्राकारं लसकुस याःगु खः । ज्याझ्वलय् सफू पिकायेत थीथी कथं ग्वाहालि यानादीपिन्त मतिनाया चिं नं देछागु खः ।
