येँ महानगरपालिकां न्ह्याकू्गु छात्रवृत्ति छनोट परीक्षाय् १४ द्वः ५७ म्ह विद्यार्थी उत्तीर्ण जूगु दु । न्हापांगु लिच्वः पिदने धुंकाः ३३१ म्ह ब्वँमिपिसं पुनर्योग, विवरण भिंकेगु व मेमेगु माग तयाः शिक्षा विभागय् निवेदन ब्यूगु खः ।
शिक्षा अधिकृत व परीक्षा समितिया दुजः छ्याञ्जे रामचन्द्र खड्काया कथं ६६ म्ह विद्यार्थीं अनलाइन फाराम जायेकूगु इलय् जाः (लिङ्ग)सम्बन्धी विवरण द्वंगु धासें भिंकेत निवेदन ब्यूगु दुसा ११ म्हेस्यां नां, लिसें क्लष्टर छनोटय् जूगु द्वं भिंकेत माग याःगु दु ।
छुं विद्यार्थीं थम्हं ल्ययागु ब्वनेकुिथ व विषय हिलेत इनाप याःसां उज्वःगु व्यवस्था मदुगु विभागं धाःगु दु ।
विभागं पुनर्योग लिसें विवरण भिंकेगु ज्या कन्हय्तक क्वचायेकाः लिपांगु योग्यता क्रम पिथनेगु तयारी याःगु दु । थ्आव हे लिधंसाय् छात्रवृत्तिया न्हापांगु चरणया मनोनयन प्रक्रिया न्ह्याइगु धाःगु दु ।
खड्कां ओएमआर सिट कम्प्युटर प्रणाली व म्यानुअल निगुलिं माध्यमं पुनः परीक्षण याइगु जूगुलिं लिच्वतय् त्रुटि जुइगु सम्भावना म्हाे जक दुगु धाःगु दु ।