पत्रकारलिसें स्वास्थ्यकःमि पूर्णिमा शाक्यया मां शुभद्रा डंगाेल आकाझाकां मदुगु बुखँ वःगु दु ।
७२ दँ दुम्ह मदुम्ह डंगाेल ताः ई न्ह्यःनिसें क्यान्सर ल्वय्लिसे ल्वानावयाच्वनादीगु खः । लिपांगु इलय् वय्कःया उसाँचय् समस्या वयेवं निवाः न्ह्यः अस्पताल भर्ना याःगु खः ।
मदुम्ह डंगाेलया काय् छम्ह व म्ह्याय् प्यम्ह दु ।
मदुम्ह डंगाेलया म्ह्याय् तःधिम्ह म्ह्याय् पूर्णिमा शाक्य नेवाः पत्रकार दबू यलया छ्याञ्जेकथं नं ज्या यानाच्वनादीगु दुसा कान्छिम्ह म्ह्याय् पाैभा डंगाेल राससया नेपालभाषा बुलेटिनय् संवाददाताकथं ज्या यानाच्वंगु दु ।