स्वनिगःया प्राचीन नेवाः सभ्यता व तजिलजि पिब्वइगु भैरव देगः पोखराया भैरवत्वालय् छगू क्वति ७० लख ८ द्वः व ६१५ तकाया लागतय् दयेकूगु दु ।
थ्वहे कात्तिक २६ गते देगलय् कालभैरवया ल्वहंया झ्वाताय् तान्त्रिक विधिकथं प्राणप्रतिस्था याइगु भैरव सांस्कृतिक संरक्षण समितिं धाःगु दु ।
समितिया नायः तीर्थमान प्रधानाङ्गया कथं पोखराय् नेवाःत दुहाँवसांनिसें स्वनिगःया सांस्कृतिक परम्परा गण नृत्य (भैरव गण हुलाप्याखँ), भजन नापनापं नेवाः अनुष्ठानयात थ्व समुदायं न्ह्याकाः वयाच्वंगु दु ।
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।