नेपाल फुटबल सङ्घ ९एन्फा०या ग्वसालय् जूगु एन्फा मिसा लिग छनोटया उलेज्या कासाय् छहारी युवा क्लब त्याःगु दु ।
सातदोबाटोय् च्वंगु अखिल नेपाल फुटबल सङ्घ ९एन्फा० मुख्यालय मैदानय् थौं जूगु कासाय् छहारी क्लबं एफसी रियल क्लबयात ३–० त्याकूगु खः । तसकं वा वंसां जूगु पुचाः ‘ए’या कासाय् छहारीं न्हापांगु हाफय् निगू गोल यात धाःसा निगूगु हाफय् मेगु छगू गोल यात ।
तसकं वा वंगुलिं कासा थ्यंमथ्यं ३० मिनेट दिकूगु खः । क्वःछिनातःगु ई सिधयेत निगू मिनेट ल्यंदनिबलय् मुख्य रेफ्री अञ्जना राईं कासा दिकादिल । त्यानाः छहारीं स्वंगू ल्याः दयेकूगु दु ।
थी थी १४ गू टोलीं ब्वति काःगु उगु धेंधेंबल्लाय् च्वन्ह्याःगु न्यागू टोली एन्फा मिसा लिगय् छनोट जुय । ब्वति काःगु १४ गू टोलीयात निगू पुचलय् ब्वथला यानातःगु दु । गुकिइ पुचः ‘ए’ य् चर्च ब्वाइज युनाइटेड, छहारी फुटबल क्लब, राप्ती एफसी, सिन्धुपाल्चोक एफसी, स्टुडेन्ट फुटबल क्लब, आरबी रिसोर्ट एन्ड बिच फुटबल लिसें एफसी रियल लाः ।
अथे हे पुचः ‘बी’इ एनआरटी, सङ्कटा एफसी, बुटवल लुम्बिनी एफसी, एन्बिएम पोखरा गल्र्स एफसी, झापा एफसी, लम्की फुटबल एन्ड ट्रेनिङ सेन्टर लिसें नेपाल खेलकुद क्लब लाः ।