वाद्यसम्राट न्हुच्छे बहादुर डंगोल जुनियर बिट मास्टर मादल कम्पिटिसन २०८२ या उपाधि समिर डंगोलयात

नेपाली सांगीतिक परम्परायात संरक्षणया हेतु १६ दं क्वय्च्वपिं मस्तय प्रतिभा उजागर याय्गु तातुना कलश इभेन्तया ग्वसालय् “वाद्यसम्राट न्हुच्छे बहादुर डंगोल जुनियर बिट मास्टर मादल कम्पिटिसन २०८२” या उपाधि समिर डंगोल त्याकुगु दु ।
२३ गु स्कुल व संस्थापाखें यानाः ३९ म्ह ब्वति कागु उगु ज्याझ्वः नयाँबजारया मनास्लु स्कुलय् जुगु खः । मादलय लय, ताल आत्मविश्वास व सिर्जनशीलताया प्रस्तुतीयात मुल्याकन यानाः निर्णायकपिन्सं निर्णय यागु खः । “सानो हात, ठूलो ताल — मादलमा भविष्यको चाल !” नारा बियाः न्ह्यागु थुगु ज्याझ्वलय् सकल ब्वतिकामिपिन्सं दर्शक व निर्णायक मण्डलया नुगः त्याकेत ताःलागु दु ।
ज्याझ्वलय मुपाहाँ वाद्यसम्राट न्हुच्छे बहादुर डंगोल स्वयं च्वना मस्तय् हपाः बियादीगुु खः । कासाय् समिर डंगोल न्यू जेनिथ इंगलिस मोडल स्कूल न्हाप, मोडल स्कूलया सुजल श्रेष्ठ ल्यू, काठमाडौ म्यूजिक मण्डलया प्रसन्न महर्जन लियां ल्यू लागु खःसा फ्यूचर स्टार बोर्डिङ्ग स्कूलया प्रभात व एन्जल लोर्ड एकेडमीया आर्यन पुरीयात हपाः सिरपा बिउगु खः ।
त्याःपिन्त ट्रफी, प्रमाणपत्र, नगद पुरस्कार नापं मादल नं बिउगु खः । ज्याझ्वलय् निर्णायक मण्डलय् खड्ग बुढा मगर, सानुराजा महर्जन व इन्दिरा लाछिमस्यूया ब्वति दुगु खः ।
ग्वसा खलःया नायः संजय महर्जनं थ्व ज्याझ्वयात निरन्तर रुपं याय्गु प्रतिबद्धता प्वःकुगु खःसा लिपा थ्व ज्याझ्वः राष्ट्रिय स्तरं याय्गु योजना दुगु धयादिगु दु ।
ज्याझ्वः न्हूजः गुथिया नायः सूर बहादर श्रेष्ठया नायःसुइ जुगु खः ।