रामचन्द्र पौडेलन्ह्यःने नेपाःया निंतिं थी थी देय्या नवनियुक्त राजदूतपिंसं ओहोदाया दसिपौ पेश यानादीगु दु ।
राष्ट्रपति भवनय् थौं ग्वसाःग्वःगु बिस्कंबिस्कंगु विशेष समारोहय् वय्कःपिंसं थःथःगु ओहोदाया दसिपौ पेश यानादीगु राष्ट्रपतिया ज्याकुथिं धाःगु दु ।
राष्ट्रपति पौडेलयात नेपाःया निंतिं जर्मनीया निंतिं आवासीय राजदूत उडो एयुगेन भोल्ज, फिनल्याण्डया आवासीय राजदूत पेट्रे जुहानी पुहक्का, बुर्किना फासोया गैरआवासीय डा डिसाइर बोनिफेस सोम व कम्बोडियाया गैरआवासीय राजदूत राथ मेनीं थःथःगु ओहोदाया दसिपौ पेश यानादिल ।
समारोहय् नेपाल सरकारया उच्च पदस्थ अधिकारीतय् ब्वति दूगु खः । नवनियुक्त राजदूतपिंत येँया होटल दुषित प्रिन्सेसनिसें राष्ट्रपति भवनतक रिसल्लालिसेंया बग्गीइ तयाः यंकूगु खः ।