पाठ्यक्रम परिमार्जन यायेत स्वास्थ्य मन्त्रालयपाखें प्रतिवेदन लःल्हात

 स्वास्थ्य नापं जनसङ्ख्या मन्त्रालयं विद्यालय तहया स्वास्थ्य शिक्षायात ईकथंया, वैज्ञानिक व प्रभावकारी जुइकेत पाठ्यक्रम परिमार्जनया निंतिं तयार यानातःगु समीक्षा प्रतिवेदन पाठ्यक्रम विकास केन्द्रयात लःल्हानादीगु दु । थौं स्वास्थ्य मन्त्रालयय् स्वास्थ्य नापं जनसङ्ख्यामन्त्री प्रदीप पौडेलं उगु प्रतिवेदन पाठ्यक्रम विकास केन्द्रया महानिर्देशक युवराज पौडेलयात लःल्हानादिल । स्वास्थ्य मन्त्रालयअन्तर्गतया राष्ट्रिय स्वास्थ्य शिक्षा, सूचना नापं सञ्चार केन्द्रं उगु प्रतिवेदन तयार याःगु खः । प्रतिवेदनं तगिं १ निसें १२ तकया वर्तमान स्वास्थ्य पाठ्यक्रमया विस्तृत समीक्षा यानाः हिलावनाच्वंगु जीवनशैली, स्वास्थ्य हाथ्या व राष्ट्रिय स्वास्थ्य नीतितय्त कःघायेगु कथं पाठ्यक्रम सुधार यायेत सुझाःत सिफारिस याःगु खः । मन्त्री पौडेलं नागरिकतय्त स्वस्थ जीवनशैलीया बानी विकास यायेगु न्हापांगु आधार व जग विद्यालय शिक्षा जूगु कनादिसें स्वास्थ्य व शिक्षा मन्त्रालयदथुइया समन्वयं दीर्घकालीन रुपं सकारात्मक प्रभाव लाकीगु भलसा प्वंकादिल । वय्कलं धयादिल, “स्वास्थ्य केवल अस्पतालय् उपचार यायेगु विषय जक मखु, थ्व छेँखापत्तिकं व विद्यालयपाखें सुरु जुइगु चेतना खः । झी मस्तय्त चीधिकःबलय्निसें पाय्छिगु स्वास्थ्य जानकारी बिल धाःसा इपिं थःगु व छेँजःपिनिगु जक मखु, मुक्कं समाजया हे स्वास्थ्यया निंतिं ह्यूपाःया संवाहक जुइफइ ।” पाठ्यक्रम विकास केन्द्रया महानिर्देशक युवराज पौडेलं स्वास्थ्य मन्त्रालयया न्ह्यलु