येँ मनपा ८ वडाया पूर्व वडाध्यक्षलिसें समाजसेवी सुवर्ण वैद्य थाैं मदुगु बुखँ वःगु दु ।
येँ मनपा ८ वडाया नायः अाशामान संगतं सामाजिक सञ्जाल फेशबुकपाखें वय्कः मदुगु बुखँ सार्वजनिक यानादीगु खः ।
येँ मनपा ८ वडाया पूर्व नायः वैद्य पशुपतिया घाट वैद्य जुयाः नं सेवा यानाच्वनादीम्ह समाजसेवी खः । वय्कः पशुपति क्षेत्रया विकासया निंतिं निरन्तर ज्या यानावयाच्वनादीम्ह व्यक्तित्व जुयादी ।
पूर्ववडा अध्यक्ष समाजसेवी, बैद्यया थ्वहे असार ५ गते त्रिशुल जात्रा क्वचायेकाः प्रसाद ग्रहण यानाः लिहाँ वनेगु झ्वलय् जयबागेश्वरी वडा ज्याकू न्ह्यःने सडक दुर्घटनाय् लानाः घाःपाः जुयादीगु खःसा तत्काल वय्कःयात वासः याकेगु निंतिं KMC अस्पताल यंकूगु खः । अन वासः याकुयाकुं हे वय्कः दुगु वडाध्यक्ष संगतं धयादीगु दु ।
पूर्व वडाध्यक्ष मदुगु शाेकय् थाैं वडा ज्याकुथिइ विदा बियातःगु दुसा थाैं हे न्हिनिसया १२ निसें २ बजेतक वडा ज्याकुथी वय्कःया पार्थिव म्ह अन्तिम दर्शनया निंतिं तःगु खः । वय्कःया अन्तिम संस्कार थाैं हे पशुपतिइ याइगु ज्याझ्वः दु ।