नकतिनि क्वचाःगु एसईई जाँचय् न्यू जेनिथ इङ्गलिस मोडल स्कूलपाखें ब्वति कयाः ताःलाःपिं ५३ म्ह ब्वँमिपिन्त वंगु शुक्रवाः छगू ज्याझ्वःयासें विदाई (फेयरवेल) याःगु दु ।
न्यू जेनिथपाखें एसईई जाँचय् गुम्हेसिनं ए प्लस, २७ म्हेसिनं ए व १७ म्हेसिनं बी प्लस जीपीए हयाः पास याःगु दु ।
येँ मनपा १८ वडाया अध्यक्ष न्हुछेकाजी महर्जनया मूपाहाँसुइ जूगु ज्याझ्वलय् एसईई ताःलाःपिं ब्वँमिपिन्त मतिनाया चिं व खादागां न्यय्काः हनेज्या याःगु खः ।
ज्याझ्वलय् नुगःखँ तयादिसें न्यू जेनिथ स्कुलया संस्थापकलिसें प्रधानाध्यापक राजु महर्जनं धयादिल, “झीसं न्यू जेनिथ स्कूलया झी थीगु नगुतय्त बिदा बिइगु झ्वलय् न्हूगु म्हगस, न्हूगु लक्ष्य, न्हूगु साहसिक ज्याया शुरुवातया लसता प्वंकेगु यानाच्वना । छिकपिनिगु न्हिलासु, लुमन्ति व भावना न्ह्याबलें थुगु हलय् थ्वया हे च्वनी । हलिम्ये चकनाच्वन — भविष्य छिकपिनिगु हे खः !”
न्यू जेनिथ स्कूलय् थौंकन्हय् १२ तगिं तक ब्वंकेगु ज्या जुयाच्वंगु दु । थुगु ब्वनेकुथिइ होटल म्यानेजमेन्ट, कम्प्यूटर साइन्स, बिजनेस स्टडिज ब्वंगु ज्या जुयाच्वंगु प्रधानाध्यापक महर्जनं कनादीगु दु ।