हंगकंगय् च्वना वया च्वंम्ह संगीतकःमि कृष्णभक्त महर्जनया न्हूगु छपू “ मंगलबजारे““ म्येया म्युजिक भिडियोया पितब्वज्या शनिबार जुल । यल सुनागुया फ्रेण्डशिप पार्टि पाएलेसय् जूगु उगु पितब्वज्याया नेपालभाषाया म्युजिक भिडियो ख्यःया न्हापाम्ह निर्देशक विजयरत्न असंबरें त्वादेवाय् मत च्याका उलेज्या यानादीगु खः ।
संगीतकःमि कृष्णभक्त महर्जनया सभानायसुइ जुगु उगु ज्याझ्वलय् नांजाम्ह संगीतज्ञ ललितरत्न रत्न बेहोशी बज्राचार्य मूपाहाँ कथं झायादीगु खः ।
पितब्वज्या जूगु “ मंगलबजारे“ म्येया च्वमि , लय चिनामि नं कृष्णभक्त महर्जन हे खःसा थ्व ज्वम्ये वयकयात सोनम महर्जनं सलय् साथ बियादीगु दु । हरिशरण सायमिं बाजं ग्वयादीगु थ्व म्येय् मनोज महर्जन व सृष्टि महर्जनया नापनापं आपालं कलाकार पिन्सं म्हितातःगु दु । थ्व भिडियो या निर्देशन विश्वास बज्राचार्यं यानादीगु खः ।
पितब्वज्या ज्याझ्वलय् पाहाँ असंबरे , मूपाहाँ रत्न बेहोशी , बाजं ग्वसामि हरिशरण सायमि लगायतं नुगःखँ तयादीगु खः ।