थौं कन्हय् पत्रकारिता ख्यलय् नकारात्मक बुखँ जक अप्वया वयाच्वंगु दु । तर नकारात्मक खँ जक न्ह्यथनेगु पत्रकारिता मखु । रचनात्मक व आलोचनात्मक पत्रकारिता यानाः समाजयात न्ह्यज्याकेगु ज्या पत्रकारपिसं यायेमाः ।
थुगु धापु बागमती प्रदेशया सञ्चार रजिस्ट्रार रेवती प्रसाद सापकोटाया खः । फोनिज बागमतिया स्वक्वःगु तःमुज्याय् भिंतुना न्वचु तयादिसें वय्कलं थथे धयादीगु खः ।
वय्कलं संचार रजिस्ट्रार ज्याकूपाखें पिथनागु अनलाइन व पत्रकारिताया सफू विश्वविद्यालयया पाठ्यक्रमय् दुथाःगु व पत्रकार पिनि क्षमता अभिवृद्धिया नीति ज्याकुथिं थीथी प्रशिक्षण न्ह्याकाच्वनागु नं वय्कलं कनादिल ।
प्रदेश सरकारपाखें यक्व ज्या यायेत स्वःसां एकल सूचिइ गुंगू जक अधिकार दुगु व मेगु यक्व विषय मंकाः सुचिइ लाःगुलिं ज्या यायेत तकं थाकुगु वय्कलं धयादिल ।