नेवाः देय् दबू येँ जिल्ला समितिया थौं जूगु प्यक्वःगु तःमुँज्यां धनबहादुर महर्जनया हे नायःसुइ दुगु ज्यासना पुचःयात मेगु ज्याईया निंतिं हाकनं भाला ब्यूगु दु ।
स्वनिगः विशेष प्रदेशया नायः श्रीकृष्ण महर्जनया कजिसुइ दुगु निर्वाचन समितिं सर्वसम्मत निर्वाचित जूगु न्हूगु ज्यासना पुचः घोषणा याःगु खः ।
न्हूगु ज्यासना पुचलय् वरिष्ठ न्वकु श्रीजनमान श्रेष्ठ, न्वकुपिं रामभोला महर्जन व रविना श्रेष्ठ, छ्याञ्जेय् धनवीर महर्जन व सुनिता महर्जन, दांभरि धर्मराज शाक्य ल्यःगु दु ।
थुकथं हे दुजलय् राकेश खड्गी, सुनिल महर्जन, सुरेश शिलाकार, निर्मला सिंह, शर्मिला जोशी, कमला महर्जन, लक्ष्मी प्रसाद शाक्य, धर्मेन्द्र महर्जन, शम्भु मल्ल, मायादेवी महर्जन, विकास श्रेष्ठ, सूर्यमान डंगोल, राजकाजी श्रेष्ठ, कल्पना श्रेष्ठ, विनु श्रेष्ठ, शोभा लक्ष्मी ताम्रकार, खलःपुचःपाखें तेजनारायण महर्जन, जातीय समाजपाखें दिल कुमारी महर्जन ल्यःगु दु ।
निर्वाचन समितिइ स्वनिगः विशेष प्रदेशया गंगादेवी डंगोल व नरेश श्रेष्ठ दुजः कथं च्वनादीगु खः ।
