अष्ट्रेलियाय् शुटिंग यानातःगु नेवाः म्ये पिदन

नेपाःया लोकंह्वापिं म्येहालामि लिसे ज्व म्ये हाला न्हूकथंया पलाः न्ह्याकावया च्वंम्ह गायक मोहन शाक्यया हाकनं मेगु छपु ज्वम्ये या पितब्वज्या जूगु दु । नांजाम्ह गायिका शर्मिला बर्देवालिसे मोहन शाक्यं हालादीगु ज्वम्ये” मतिनाया डुंगा” या म्युजिक भिडियोया पितब्वज्या अाइतबार विश्वज्योति हलय् जूगु दु । नांजाम्ह म्येहालामि जुजुकाजि रन्जित मूपाहाँ कथं झायादीगु उगु पितब्वज्या ज्याझ्वलय् मूपाहाँ रन्जितं नेपालभाषाया संगीतख्यः थौंकन्हे थहाँ वया च्वंगु व लोकंह्वाना वया च्वंगुलिं लसता प्वंकादिल तर नेवाः ख्यलय् अापालं संघसंस्था दुसां थ्व ख्यःया बिकास यायेत व तिबः बिइत छुं नं संघसंस्था पलाः ल्ह्वना च्वंगु मदु धका धयादिल । नेपालभाषाया न्हापाम्ह सिने पत्रकार विजयरत्न असंबरें म्युजिक भिडियोया समीक्षा यानादीगु उगु ज्याझ्वलय् लोकंह्वाम्ह गायिका संगीता शाक्य थापा, सन्चारकःमि व संकिपा निर्देशक राम कृष्ण खडगीं नं नुगःखँ तयादीगु खःसा जरिना शाक्यं लसकुस व मोहन शाक्यं सुभाय् न्वचु तयादीगु ज्याझ्वः संगीतकार मनराजा नकःमिया सभानायसुइ जूगु खः । उगु भिडियोया हुलाप्याखं स्यनामि व निर्देशक मोनिका शाक्य खः । थुके सुशील महर्जन व रोजिना महर्जनया मू भुमिका दु । थ्व भिडियोया शुटिंग पूवंक हे अष्ट्रेलिया या थीथी थासय् यानातःगु दु । उगु भिडियोया हुलाप्याखं स्यनामि व निर्देशक मोनिका शाक्य खः । थुके मोनिका शाक्य , प्रोजोल महर्जन , सुशील महर्जन व रोजिना महर्जनया मू भुमिका दु । थ्व भिडियोया शुटिंग पूवंक हे अष्ट्रेलियाया थीथी थासय् यानातःगु दु ।मु भुमिका मोनिका शाक्य व प्रोजोल न खः ।