ख्वपय् बिराटया भवनय् बाखं दबुया पितब्वज्या

 नेपालभाषाया बाखं ख्यलय् ज्वमदुगु पलाः कथं कयातःगु छगू अनौपचारिक संस्था बाखं दबुया कुतः कथं पिदना वया च्वंगु पत्रिका” बाखं दबु” या ल्या १२ या पितब्वज्या छगू ज्याझ्वःया दथुइ जुल । नेपाःया साहित्यिक अान्दोलनया ख्यलय् ६३ दँ न्ह्यःनिसें निरन्तर पलाः न्ह्याका वया च्वंगु बिराट नेपालभाषा साहित्य सम्मेलन गुथिया ख्वपय् बिकुमछेँय् त्वालय् छेँय् या प्रांगनय् जूगु उगु पितब्वज्याय् मूपाहाँ कथं साहित्यकार सुवर्ण केशरी चित्रकार झायादीगु खः । सभानायः लोचनतारा तुलाधरया सभानायसुइ न्ह्याःगु उगु ज्याझ्वलय् बाखं दबु थापनाय् नेपालभाषाया साहित्यख्यःया विशिष्ट व्यक्तित्वपिं लक्ष्मण राजवंशी , राजा शाक्य व नर्मदेश्वर प्रधान पिनिगु गुन व देनया चर्चा जूग खः । बमखं दबुया दुजः विमलप्रभा बज्राचार्यं लसकुस न्वचु तयादीगु उगु ज्याझ्वलय् विराटया नायः महेन्द्र गोपाल कर्माचार्य, ख्वपया अतिकं नांजाम्ह कवि डा योगेन्द्र प्रधान व बाखं दबु ल्या १२ या भाषा शुद्धाशुद्दि सम्पादक पौभा सायमि पिन्सं नुगःखँ तयादीगु खःसा ज्याझ्वः साहित्यकार कृष्ण भक्त बोडें न्ह्याकादीगु खः ।