थौं २१क्वःगु राष्ट्रिय ज्यापू दिवस तःजिक हनेज्या जुल । प्रधानमन्त्री केपी ओलीया मूपाहाँसुइ बसन्तपुरय् जुगु अौपचारिक ज्याझ्वः स्वयां न्ह्यः थुगुसी संयोजकया पाः काःगु श्री नाथेश्वर छुट गुठी वतुं सुथय् तःजिक र्यालीलिसें येँ देय् चाःहिलेगु ज्या जूगु खः ।
थौंया ज्याझ्वलय् वतु त्वालं पिथंगु निगू सफू नं पितब्वज्या जूगु खः । ज्याझ्वलय् “वतु त्वालं पारित याःगु तःजि मजूगु विधि ब्यबहार” व पन्ना रत्न महर्जनं च्वयादीगु “बुँज्या म्हसीका” सफू पितब्वज्या प्रधानमन्त्री ओलीं यानादीगु खः ।
थुगु हे ज्याझ्वलय् वतु त्वाःया वार्षिक गतिविधि दुथ्याःगु पेनड्राइभ नं प्रधानमन्त्री ओलीं पितब्वज्या यानादीगु खः ।
थुकथं हे दँय्दसं बियावयाच्वंगु थीथी सिरपा व हना नं लःल्हायेगु ज्या जूगु खः ।