नेपाः व चीनया प्रधानमन्त्रीया उपस्थितिइ बनेज्या प्रवद्र्धन, प्राविधिक ग्वाहालि कालबिललिसें थी थी च्यागू विषयस ग्वाहालि व मंकाःज्यासम्बन्धी सम्झाैता पतिइ ल्हाःचिं तःगु दु ।
चीनया औपचारिक भ्रमणय् झायादीम्ह प्रधानमन्त्री केपी शर्मा ओली व चीनया प्रधानमन्त्री ली छ्याङदथुइ ग्रेट हल अफ पिपलय् निगूपक्ष दथुइ नाप लायेधुंकाः थवंथः मंकाःज्यासम्बन्धी सम्झाैता पतिइ ल्हाःचिं तःगु खः ।
खँल्हाबल्हाः न्ह्यः प्रधानमन्त्री ओलीयात चिनियाँ जनमुक्ति सेनां ‘गार्ड अफ अनर’ न्ह्यब्वःगु खः ।
प्रधानमन्त्री ओली नेतृत्वया प्रतिनिधिमण्डल चीनया औपचारिक भ्रमणय् म्हिगः बेइजिङ झायादीगु खः ।