सांस्कृतिक केन्द्रविन्दुया रूपय् दुगु येँ मनपा २४ वडाय् लाःगु श्वेतभैरवया देगः ल्ह्वनेज्या क्वचाल ।
येँ मनपा २४ वडाया न्यतपाःच्वय् विराजमान जुयाबिज्याम्ह श्वेत भैरवया देगःयात न्हापा नँया बारं भुनातःगु खःसा आ उकिया थासय् कलात्मक थां तयाः देगःयात आकर्षक जुइक न्ह्यब्वःगु खः ।
वडाया बजेटं दयेकूगु थुगु भैरवयाथाय् लीयागु भैरव मूर्ति नं दुगु इलां नं वडापाखें देछाःगु खः ।
येँ मनपा २४ वडा दुने श्वेत भैरव (न्यतपाःच्व व हनुमानध्वाखा), आकाश भैरव (न्यत व वंघः), कालभैरव, बज्रवीर महांकाल भैरव भैरवपिं विराजमान दु ।