नेपालभाषा केन्द्रीय विभागया ग्वसालय् थाैं नेपालभाषा केन्द्रीय विभाग, यलध्वाखा, यलय् बागमती प्रदेश सरकारया समाजिक विकास मन्त्री हरिप्रभा खड्गी श्रेष्ठपाखें प्रा. प्रेमशान्ति तुलाधरयात बैकुण्ठ लाकौल सिरपाः व नेपालभाषा एम.ए.य् मिसापिं मध्ये दकलय् अप्वः ल्याः हयादीपिं कृष्णप्यारी श्रेष्ठ, पद्मा खयरी गोलि, रजनि श्रेष्ठपिंत चैन लाकौल सिरपाः लःल्हानादिल ।
विभागिय प्रमुख सह-प्राध्यापक डा. राजनलाल जोशी (रास)या सभापतित्वय् जूगु ज्याझ्वलय् मूपाँहा हरिप्रभा खड्गी श्रेष्ठ, प्रा. डा. सुन्दरकृष्ण जाशी, पाटन क्याम्पसया प्रमुख लक्ष्मण सिंह कुँवर, प्रा. प्रेमशान्ति तुलाधर, सिरपाःया दाता श्रीकण्ठलाल लाकौल, उप-प्राध्यापक वज्रमुनि वज्राचार्य, उप-प्राध्यापक जीवनकुमार महर्जनपिंसं सिरपाः व नेपालभाषा केन्द्रीय विभागयात कयाः थःपिनि नुगः खँ तयादीगु खः ।