बैशाख २४ गते भाषा ऐन लागु जुगु दिंयात कयाः हर्षोउल्लासं मानेयाइगु जुगु दु । नेपाल भाषा व तामाङ्ग भाषायात कामकाजी भाषाया रुपय् छ्यलाबुला याय्त सरकारं मान्यता विगु दिं सकलसिया जानकारी निम्तिि वैशाख २४ गते सार्वजनिक विदा विइगु निर्णय जुुगु संस्कृति पर्यटन तथा सहकारी मन्त्री शैलेन्द्र बज्राचार्यं धाःगु दु । येँया नेपा वैक्वटय जुगु समारोह समिति गठनया लागि जुगु छगु ज्याझ्वलय् वयकलं धाःगु खः । यक्व संघर्ष व आन्दोलन लिपा थ्व दिं वगुलिं झिसं २४ गते हे भाषा कार्यान्वयन जुइगु व व दिनय् प्रधानमन्त्रि पुष्प कमल दाहाल प्रचण्डया उपस्थितिं विशेष समारोहयात संघीय राजधानीं भाषा ऐन कार्यान्वयन जुगु उद्घोष याय्मागु नं धयादिल । येँया वसन्तपुरं राजनीतिक व सामाजिक सांस्कृति रुपय् महत्वपूर्ण जुगु थाय् थ्व थासं भाषा ऐन लागुजुगु सार्वजनिक याय्त थः उत्साहित जुगु नं धयादिल ।
उगु समारोह बागमति प्रदेश संस्कृति तथा सहकारी मन्त्रालयया व्यवस्थापन नापं नेवाः देय् दबु व नेपाल तामाङ्ग घेदुङ्गया ग्वाहालिं ३०३ सदस्य समारोह समिति गठन जुगु खः । बसन्तपुरय् जुइगु उगु समारोह सुथय् साँस्कृतिक झाकि नापं ¥याली जुइगु नं जानकारि वगु दु ।