छगु विशेष समारोहयानाः ‘गीतकार गीता खत्री सांगीतिक साँझ’राष्ट्रिय नाचघरय् क्वचागु दु । गीतकार संघ नेपालया ग्वसालय् जुगु उगु ज्याझ्वलय् खत्रीया छगु दर्शनं मल्याक म्ये थ्वगु खः ।
खत्रीया मां बाया शुभाशिष व गणेश स्तुति भजनं न्ह्यागु उगु ज्याझ्वःलय् वय्कया लोकह्वागु म्ये ‘पिरतीको फूल’, ‘किन आज उदास’, ‘भरोसा छैन जीवनको’, नाप नाप १६ पु म्ये थ्वगु खः । वय्कया यक्व म्ये स्वरुपराज आचार्य, नरेन्द्र प्यासी, पविता परियार, हरि लम्साल, सिर्जना लामा, सपनाश्री, दीपक लिम्बू पिनिगु सलय् रेकर्ड जुइधुंकुगु दु । अन हे वयकयात ‘गीतकार संघ नेपाल’या अध्यक्ष वसन्त वित्यासी थापां ‘डायस्पोरा गीतकार सम्मान–२०७८’ १५द्व राशि सहित दोसल्ला व सम्मानपत्रं सम्मान यागु खः ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।