शास्त्रिय संगितकारपिन्त संरक्षणया लागि स्थापना जुगु नेपाल शास्त्रिय संगित समाजं छगु वैठक च्वनां पूर्व कार्यसमितियात सुभाय् विइगु जुगु दु । स्थापना काल निसें हे थुगु संस्थां शास्त्रिय संगितयात संरक्षण यानाः वयाच्वंगु दु । अथेहे संगितकारपिन्त छगु हे थासय् हय्गु प्रयास यानाच्वंगु दु । थ्वहे वैशाख १५ गते च्वंगु साधारण सभां संगीता प्रधानया अध्यक्षताय् न्हुगु ज्यासना पुचः ल्यगु दु । उगु ज्यासना पुचलय् श्रीवत आले उपाध्यक्ष, गोकुल लिम्बु महासचिव, परशुराम पौड्याल कोषाध्यक्ष, तिर्थराज पोखरेल सहसचिव , जेनिसा पौड्याल सह कोषाध्यक्ष, अथेहे सदस्यपिं कृष खरेल, श्री ले.सी, हेमरत्न पून, पार्वती घिमिरे, यतिराज अधिकारी, थानेश्वर गौतम, सुजाता वराल, नरेश प्रजापति, विष्णु व. विश्वकर्मा,विजय कुमार दलार्मि, कुन्दन पाण्डे, ईश्वर मघैया, प्रभा वर्तोला व गंगादेवी महर्जन दु । थ्वहे न्ह्यःया कार्यकालय् वरिष्ठ संगितज्ञ धन बहादुर गोपालिया नेतृत्व थुगु समाज दुगु खः । २०५५ सालय् थ्व समाज निस्वंगु खः ।