ललितपुर महानगर पालिकाया मेयर चिरि बाबू महर्जनं काजिलालया लुमन्तिइ न्ह्याःगु थ्व ब्याडमिन्टन खेल लिपातकं निरन्तरता कायमा याय्माः धकाः थौ ज्यापु समाज यलया खेलकुद कवः पाखें याय् त्यंगु काजिलाल ब्याडमिन्टन कासाया उलज्याझ्वःलय् कनादिल । कवःया संयोजक बाबुराजा महर्जनया सभापतित्वय् जूगु ज्याझ्वलय् ब्याडमिन्टन कासाया धुरून्धर खेलाडि मोहन बहादुर शाहिया नं उपस्थिति उलेज्या जूगु खः ।
उलेज्याझ्वलय् निगू टिमया खेल नं प्रर्दशन याःगु खः । कासा ज्वःछि भेट्रान ११ टिम, मेन्स डबल ४० टिम व अण्डर १७ या ८ टिम पाखें ब्वति काइगु जानकारी वःगु दु । थुगु धें धें बल्ला दँय्दसं न्ह्याकेगु नितिं स्व. काजिलाल अवालेया छेँजःपिन्स १० लख तकया अक्षयकोष स्वनेत्यंंगु दुसा थुकियात निरन्तरता व कोष अप्वय्त सहलह जुयाच्वंगु नं जानकारी वःगु दु । थुगु उलेज्याझ्वलय् स्वागत मन्तव्य उप संयोजक बिनोद महर्जनं यानादीगु खःसा ज्याझ्वलय् नेपाःया नां जाःम्ह रेफ्रि अनुप रत्न शाक्य, युवा तथा श्रम विभागया प्रमुख लिसें न्वकु किरण डंगोल, समाजया उपाध्यष व काजीलालया छेँ जःया उपस्थिति दुगु खः ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।