ज्यापु महागुथि नेपाःया नेतृत्व सत्यनारायण डंगोलयात वगु दु । आइतबार जुगु महागुथिया प्यक्वःगु एकीकृत महाधिवेशनं डंगोलया नेतृत्वय् २७ जना दुजः दुगु ज्यासना पुचः सर्वसम्मत ल्यःगु खः । बाँकि कनेखुन्हु सदस्य दथुइ बरिष्ठ उपाध्यक्ष निंसे न्वकु, महासचिव, सचिव, दांभरि लगायतया पदाधिकारीपिं ल्यइगु जानकारी वगु दु । तःमुँज्याय् किपूया बुद्धिलाल ज्यापुं नं उम्मेदवारी बियादीगु खःसां लिपा ज्यापुं सहमतिया लागिं नां लित कायेवं डंगोल सर्वसम्मत जुयादीगु खः ।
न्हूगु ज्यासना पुचलय् रमेश मुनिकार, देवनारायण डंगोल, मचाराजा महर्जन, भक्तिनारायण महर्जन, केशव महर्जन, जुजुभाई डंगोल, मिलनमान महर्जन, कुलबहादुर महर्जन, श्यामकृष्ण संगत, भीमनारायण प्रजापति, श्रीकृष्ण महर्जन, रामेश्वर महर्जन, कृष्णकुमार महर्जन, सानु महर्जन, सुरेन्द्र महर्जन, जयकृष्ण दुवाल, स्वयम्भूराज डंगोल, ज्ञानेन्द्र महर्जन, सान्देवी महर्जन, सरिता महर्जन, सरिता महर्जन, सविना महर्जन, शान्ता प्रजापति, हेराशोभा महर्जन, लक्ष्मी महर्जनपिंत दुजलय् ल्यःगु खः ।