नेपाल ट्रायथलन संघया नायःलिसें नेपाल ओलम्पिक कमिटीया महासचिवया निलेन्द्रराज श्रेष्ठ एसिया ट्रायथलन एसोसियसन (एएसटी) या वरिष्ठ सल्लाहकारय् नियुक्त जुयादीगु दु ।
साउदी अरबया रियादय् आइतबाः च्वंगु निर्वाचित केन्द्रीय समितिया न्हापांगु मुँज्यां श्रेष्ठयात थ्व सम्मान ब्यूगु खः ।
श्रेष्ठ आः एसिया ट्रायथलनया केन्द्रीय कमिटीया बैठकय् ब्वति कायेत योग्य जूगु दु ।
जापानय् जुन २३ तारिखय् जूगु एएसटीया मुँज्यां साउदी राजकुमार फाहद बिन जलावी बिन अब्दुल अजिजयात एसिया ट्रायथलन एसोसियसनय् ल्यःगु खः ।
अजिजया नायःसुइ गठन जूगु कार्यसमितिया न्हापांगु बैठकपाखें वरिष्ठ सल्लाहकार जुम्ह श्रेष्ठ अन्तर्राष्ट्रिय ट्रायथलन संघया एनओसी रिलेसन कमिसनया दुजः नं खः ।
एसिया ट्रायथलनलया महत्वपूर्ण पदय् नियुक्त जुइ धुंका श्रेष्ठं नेपालया ट्रायथलनया विकास यायेत यक्व ज्याः यायेफइ धयादीगु दु।