पूर्वराज्यमन्त्रीलिसें नेवाः न्ह्यलुवा तीर्थराम डंगोलया उसाँय् बांलाःगु अस्पताल श्रोतं धाःगु दु । सोमवाःः उसाँय् मदयाः वय्कः सुमेरु अस्पतालय् भर्ना जुयादीगु खः ।
प्यला ति न्ह्यः प्रोष्ट्रेट क्यान्सरया अपरेशन यानादीम्ह वय्कःया स्वँय् सामान्य समस्या खनेदुगु हुनिं चिकित्सकपिनि सुझावकथं अस्पताल भर्ना जुयादीगु व आः वय्कःया अवस्था सामान्य जुइधुंकूगु वय्कःया प्रोष्टेटया अपरेशन यानादीम्ह डा. विजय मानसिंह कटवालं कनादीगु दु ।
प्रोष्टेटय् क्यान्सर खनेदयेवं वय्कः उपचारया निंतिं विदेश झायादीगु जूसां नेपालय् हे बांलाक सर्जरी जुइगु सिइवं नेपाःया हे सुमेरु अस्पताल धापाखेलय् वय्कःया अपरेशन जूगु खः ।
आः वय्कःया उसाँय् बांलाना वये धुंकूगु व याकनं हे अस्पतालं डिस्चार्ज यायेगु तयारीइ दुगु अस्पताल श्रोतं धाःगु दु ।
