चमती खेलकुद पार्क संरक्षण समितिया ग्वसालय् न्हापांगु काठमाण्डौ जिल्ला मिसा कबड्डी धेँधेँ बल्लाकासा थौ जेठ १३ गते क्वाचागु दु । न्ह्यगु (७) गु समूहनं व्वति कागु उगु धेँधेँबल्ला कासाय् काठमाण्डौ महानगरपालिका न्हाप जुइत ताः लागु दु अथेहे कान्तिपुर कबडी क्लब ल्यू, कागेश्वरी नगरपालिका व चन्द्रागिरी नगरपालिका लियांल्यू लागु दु ।
फाइनल कासाय् काठमाण्डौ महानगरपालिकाया कासापिं पिन्सं थगु उत्कृष्ट खेल क्यना कान्तिपुर कबडी क्लबयात ४०—१९ सं बुकुगु खः । उगु कासाय् कासामिपिन्त प्रोत्साहन बिइया लागि काठमाण्डौ महानगरपालिकाया उपप्रमुख सुनिता डंगोलं कासामिपिन्त नापलागु खः । नापं त्यापिं कासामिपिन्त वय्कलं मेडल नं हस्तातरण यानाःदिगु खः नापं कासामिपिं देय्या हे शान जुगुलिं इनटायर टिमयात भिन्तुना बियाः थजागु कासा हान हानं याय्या लागि बः बियादिगु खः ।
अथेहे ज्याझ्वःलय् निर्णायक टिमया ग्वाहालिमिपिन्त नं सुभाय् पौ वियादिगु खः । ज्याझ्वः समितिया अध्यक्ष भगवान प्रजापतिया सभापतित्वय् क्वचागु खःसा उगु ज्याझ्वलय् कामपा १५ वडाया अध्यक्ष ईश्वरमान डंगोल, महिला सदस्य मैयाँ महर्जन, अलिख नेपाल फुटवल संघया अध्यक्ष विनोद प्रजापति, जिल्ला खेलकुद विकास समितिया उपाध्यक्ष गणेश, मुख्य प्रशिक्षक पार्वती राइ व निर्णायक मण्डलया संयोजक हिमाल रंजितया नं उपस्थिति दुगु उगु ज्याझ्वः समितिया सचिव अनिता महर्जनं न्ह्याकुगु खः ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।