ज्यापु महागुथि येँ महानगर समितिया दँ मुज्या क्वचाल

ज्यापु महागुथि येँ महानगर समितिया ग्वसालय् छगु ज्याझ्वः दथुइ जेठ १५ गते साेमवारया दिनसं नेपाः बैक्वटेय् दँमुज्या क्वचाल । ६३ त्वाःया नायः गुरु कजि दुथ्यागु उगु दँमुज्याय् थिथि कवःया कार्यप्रगति विवरण पितव्यूगु खः । नापं थुगु ज्याझ्वलय् थिथि कासाय् गोल मेण्डेल त्याकापिं खेलाडिपिन्त सम्मान यागु खः ।
थुगु ज्याझ्वलय् मूपाहाँकथं झायादिम्ह काठमाण्डौ महानगरया उपमेयर सुनिता डंगोलं थगु थाय् व देय् विकासया निम्ति राजनिति दुहाँ वने मागु धयादिगु दु । नापं थ वने मफुसां मेपिं वनाच्वंपि थःपिनि जातिया मनुपिन्त हाइस्ते धासा हस्ते यानाः व विइमागु नं धयादिल । विकासया म्हगसं खनिपिन्सं राजनितियात स्वीकार मयासे मेपिनिगु भरय् च्वन धासा विकासया नामय् छुं नं परिवर्तन हय्त थाकुइगु बारे नं कुला दिल । थुगु ज्याझ्वलय् जुजु काजी महर्जन व मचाराजा महर्जनं पितव्यूगु आर्थिक व कार्यप्रगति प्रतिवदेन नापं मेमेगु विषय्लय् वंगु न्ह्यस यात गुथिया नायः पञ्च नारायण महर्जनं जवा बियादिगु खः ।
थुगु ज्याझ्वलय् न्यायधिस तारा महर्जनयात नं सम्मान यागु खः । थुगु ज्याझ्वलय् पाहाँकथं ज्यापु महागुथि केन्दया नायः राजभाई जकःमि, ज्यापु संस्कृति विकास कोषया नायः मंगल कृष्ण सिं, कामपा १२  वडाया अध्यक्ष बालकृष्ण महर्जन ,१८ वडाया अध्यक्ष न्हुछेकाजी महर्जन, १५ वडा अध्यक्ष ईश्वर मान डंगोल, २२ वडा अध्यक्ष चिनकाजी महर्जनया नं उपस्थिति दुगु खः ।