नेपालभाषा साहित्य ख्यलय् ताःई न्ह्यःनिसें बाखं विधाय् च्वसा न्ह्याका वयाच्वंम्ह च्वमि गोविन्द मान श्रेष्ठ मंगलवाः सुथसिया ५ः५० ता इलय् शिक्षण अस्पताल महाराजगञ्जय् मन्त ।
बाखं च्वमि श्रेष्ठ क्यान्सर ल्वचं कया वासः याकाच्वंम्ह श्रेष्ठया वंगु शनिवाः वयकःया च्वसां पिज्वःगु “समुन्द्र मन्थन” नांयागु चिबाखं सफू पितब्वज्या जुउगु खः ।
मदुम्ह श्रेष्ठ विराटया पुलांम्ह नायः खःसा नेवाः देय् दबूया पुलांम्ह न्वकू, रामशेखर लुमन्ति दबूया कजि व कला संस्कृति भजन महागुथिया नायः जुया च्वनादीम्ह खः ।
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।