जीवनया दुवातय् छ नाप लाय्वं
जीवनया अर्थ हे जिगु हिला विल
खिमिलां त्वपुना च्वंगु जीवनय्
छं मतिनाया जः ह्वलाविल
जीवनत दित, फुत आः
म्वानाया अर्थ नं मन्त
म्वाःम्ह लास जुया म्वाय्गु
ताय्का मं जिके मन्त
तर जिगु थ्व विचाःयात
छंगु पवित्र प्रेमया धारं
न्हूगु उमंगं जाय्का विल
जीवन घःचा हिला हे च्वनी
धइगु खँपु पूवंका क्यन
जिगु जीवनयात लसतां जाय््का विल
सुभाय् छन्त अय् जि यज्जु
जिगु दुनुगलं धया च्वना
जीवनपासा जुयाः सदां
छ नाप हे च्वने आस याना ।