यलया सांस्कृतिक नगरी हरिसिद्धि जलया थान्सि नेवाः कटेजय् जूगु छगू ज्याझ्वःया दथुइ स्वपु न्हूगु नेवाः म्येया म्युजिक भिडियो पितब्वज्या शनिवार जूगु दु ।
बुंगद्य:या जात्रा बले, जि छंगु गल्ली वया व सुथय् न्हापा ल:का: व:म्ह म्येया भिडियो पितब्वज्या ज्याझ्वलय् ख्यालिजुजु नांजाम्ह कलाकार मदनकृष्ण श्रेष्ठ मूपाहाँ कथं झायादीगु खः ।
मूपाहाँ श्रेष्ठं थौंकन्हे म्ये हालाः रेकर्ड जक यानां मगाः उकियात सकसिनं स्वयेखनि कथं म्युजिक भिडियो नं दयेकेमाः धकाः धासे यलया सांस्कृतिक नगरी जलया लुनिभा प्रोडक्शन व उकिया कजि बि के जल्मीया कुतःया प्रशंसा यानादिल ।
ज्याझ्वलय् नुगःखँ तयेगु झ्वलय् नेवाः पत्रकार राष्ट्रिय दबूया निवर्तमान नायः लोकंह्वाम्ह म्येहालामि सुरजबीर बज्राचार्यं कलाकारिता व पत्रकारिताया स्वापु बारे खँ तयादीगु खः । अथेहेतुं नांजाम्ह संगीतकःमि रेडियो नेपालया संगीत शाखाया प्रमुख मनराजा नकःमि, संगीतकःमि निरन्जन महर्जन, म्येहालामि आशा नकःमि लगायतया कलाकःमि पाहाँकथं झायादीगु खः । ज्याझ्वलय् नेपालभाषाया न्हांपाम्ह म्युजिक भिडियो निर्देशकं सिने पत्रकार विजयरत्न असंबरें म्युजिक भिडियोया समालोचनात्मक खँ न्ह्यब्वयेगु झ्वलय् नेवाः कलाकार, संगीतकःमि व संकिपा प्राविधिकपिनिगु निंतिं म्युजिक भिडियो थःगु ज्या क्यनिगु छगू स्यल्लागु दबू जुयाबिउगु दु धकाः धासे थुकें यानाः कलाकारपिनिगु कलाकारिता च्वन्ह्याकेगु ज्याय् तिबः जुयाच्वंगु दु धकाः धयादिल ।
ज्याझ्वलय् संगीतकःमि जिबित जल्मीं लसकुस न्वचु तयादीगु खःसा लुनिभा प्रोडक्सनया कजि बि के जल्मीं सुभाय् बियादीगु खः ।
थथे पितब्वज्या जूगु म्येया धलः थथे दु –
१ . बुंगद्यः स्ववनाबले
म्ये हालामि – राकेश खुसु व अाशा नकःमि
प्याखंम्वः – सुरज नापित व अाराध्य लक्ष्मी खडगी
म्ये च्वमि – राकेश खुसु
लय् चिनामि – मनराजा नकःमि
एरेन्जर – जिवित जल्मी
मास्टरिंग- – सुरेन्द्र श्रेष्ठ
किपालुमि व सम्पादन – बि के बाबुकाजी जल्मी
निर्दशन – राज महर्जन
२. जि छंगु गल्ली
म्ये हालामि – जिबित जल्मी
प्याखंम्वः – अनुज शाक्य व सुबिन कायस्थ
म्ये च्वमि व लय् चिनामि – बिनोद जल्मी
एरेन्जर – जिवित जल्मी
रेकर्डिस्ट – जुगल डंगोल
हुलाप्याखं – सुरज कपाली
किपालुमि- रबिन डंगोल
सम्पादन – रसिक महर्जन जल्मी
निर्दशन – बि के बाबुकाजी जल्मी
३. सुथय् न्हापां लः काःवबले
म्येहालामि – अशोक काके व निशा देशार
म्येच्वमि – बि के जल्मी
लय् चिनामि – निरन्जन कुमार महर्जन
एरेन्जर – जिवित जल्मी
रेकर्डिस्ट – सुमन कपाली
हुलाप्याखं – सुजना बज्राचार्य
किपालुमि – रबिन डंगोल
सम्पादन व निर्देशन – बि के बाबुकाजी जल्मी