नेवाः सुपरस्टारया नोमिनेशनय् लाना च्वंम्ह लोकंह्वाम्ह कलाकारलिसें संचारकःमि सुरज ब्यञ्जनकारया नेपालभाषाया मुक्तक मुना सफू ‘सब्बुचा २’ या शनिबार छगू ज्याझ्वःया दथुइ पितब्वज्या जुल ।
सफूया च्वमि व्यजनकारया अबुजु सुरेन्द्र ब्यञ्जनकारया सभानायःसुइ यलया खपिन्छे त्वालय् जूगु ज्याझ्वलय् ‘सब्बुचा २’या वरिष्ठ कलाकार ख्यालिजुजु मदनकृष्ण श्रेष्ठं यानादीगु खः ।
पितब्वज्या ज्याझ्वलय् मूपाहाँ श्रेष्ठ, विशिष्ट पाहाँपिं यल वडा ९ वडाअध्यक्ष राजु महर्जन, खपिन्छे टोल सुधार समितिया नायः राजमान अवालेपिन्सं सब्बुचा २ सफूयात कया थःथःगु नुगःखँ तयादीगु खः । अथेहेतुं साहित्यकार सुधीर ख्वबिं सफूया समालोचना यानादीगु खः ।
मुक्तककार ब्यञ्जनकारया ‘सब्बुचा २’ सफू ललितपुर महानगरपालिका वडा ९ या ग्वाहालिं पिकागु खःसा थ्वसिबें न्हापा झिंखुदँ न्ह्यः ‘सब्बुचा’ या न्हापांगु ब्व पिदंगु खः ।