सक्वया सक्व रिसाेर्टय् जूगु सम्मेलनय् मिसा व मिजं यानाः थ्यंमथ्यं ३०० धलं दनीपिं दइगु अनुमान यानातःगु दु ।
व्रतया व्यवस्थापन यायेत ग्वसाःखलकं थ्वहे पुस १२ गतेनिसें नां दुतिना न्ह्याकूगु खः । धलं दने न्ह्याःपिसं थ्वहे १८ गतेदुने नां दर्ता याकेत इनाप याःगु दु । थाैंतकया दुने १५० म्हेसिनं नां दुतिने धुंकूगु ग्वसाःखलकं धाःगु दु ।
माधवनारायणया देय् चाःहिकेगु ब्यवस्थापन जुइधुंकूगु दु । सर्वसाधारण भक्तजनपिनि सुरक्षा, पार्किग, शाैचालय आदिया पूर्णरूपय् उचित ब्यवस्थापन जूगु श्री माधवनारायण स्वस्थानी व्रत तथा शालिनदी सुधार समितिया नायः बालकृष्ण श्रेष्ठं कनादिल ।
काेभिड १९या न्हूगु भेरियन्टपाखें बचे जुइत भक्तजनपिन्त माक्स व सेनिटाइजर निशुल्क उपलब्ध याकेगु ग्वसाःखलकं धाःगु दु ।
धलं दनीपिसं लच्छितक चि नय् मज्यूगु व न्हिं छछाः जक नयाः च्वनेमाःगु जूगुलिं थुगु धलंयात एशियाया हे थाकुगु व्रत कथं कयातःगु दु ।
