किपूलिइ ऐतिहासिक व साँस्कृतिक सम्पदायात जगेर्ना नाप पर्यटन प्रबद्र्धनया उद्देश्य ज्वनाः वइगु श्रावण २७ गते शुक्रबाः बहनी सम्पदा यात्रा जुइत्यंगु दु । जोशीननी हेरिटेज होम्सय् थौं छगू पत्रकार सम्मेलन याना परम्परागत रूपं सापारु कुन्हु हना वयाच्वंगु ‘बहाः चाहिलेगु’ परम्परालिसे पर्यटन प्रवद्र्धन स्वायेगु धका जानकारी बिउगु खः ।
उगु सम्पदा यात्राय् किपूया ५३ थासय् चाहिलेगु नं जानकारी बिउगु खः । लिच्छबीकालनिसें किपूया नेवाः बस्ती, विहार, चिभाः व चुकः नाप स्वापू दुगु सम्बन्धित सभ्यताया अवलोकन याये दइगु कथं सम्पदा यात्रा जुइत्यंगु धासें सकलसित थ्व सम्पदा यात्राय् ब्वति कायेत ग्वसाः खलःपाखे इनाप याःगु दु ।
