नेपाःया बामपन्थी कम्युनिस्ट योद्धा’ नानीमैयाँ नकःमि थौ सुथय् मन्त । थम्ह खंगु अमर शहीदपिं शुक्रराज शास्त्री, दशरथ चन्द, धर्मभक्त माथेमा व गंगालाल श्रेष्ठयात राणा सरकारं फासी बिउगु घटना निसें वय्क राजनीतिइ सक्रिय जुयादीगु खः ।
राजनीतिक यात्राय् वय्कं न्हापा नेकपा (एमाले)या येँ जिल्ला कमिति सदस्य व लिपा सल्लाहकार जुया ज्या यानादिगु खः । २०७९ वैशाखंय् पार्टिया ७४ औ स्थापना दिवस लाकाः वय्कया योगदानया कदर यासें कम्युनिस्ट योद्धा’ या नामं सम्मान यागु खः । वयकया राजनिति जिवन धासा २००५ सालय् जेल लाःगु इलं निसें निरन्तर सक्रिय रुपं ब्वति कया वयाच्वम्ह खः।
मुलुकय् ह्यूपा हय्त वयकलं यक्व योगदान यानादिगु दु । वयकःया जहान नाप निम्ह काय् व छम्ह म्ह्याय दु । वयकःया अन्तिम संस्कार थौं सोमवाः सुथय् पशुपती आर्यघाटय् जुगु दु ।
