गजागु समाज

उमा थौं वया पासाया छेँ न्हापांगु खुसि वंगु वया मांया व्यवहार खना व तसकं लय्ता । नेवाः भाय् ल्हागु नेवाः नसात्वसा ज्वरय यागु तसकं सा । वं नेवाः धैम्ह थथे हे जुइ छगु संस्कार बालाम्ह धका मनमनं खँ ल्हाइ ।
छन्हु निन्हु लिपा व लय् जुयाच्वंबलय् छथाय् त्वाः भ्वाय् जुयाच्वंगु खनि । पासाया बां नं कपालय् सिन्ह तिना थुखे उखे जुयाच्वंगु खनि । उवलय् लाक्क हे पासाया मां नापलाइ वयागु कपालय् नं सिन्ह दु नं वया ख्वालय् न्हिलासु दु । वं नापालाम्ह पासा मां व थौं नापलाम्ह मां खय् गुलि ह्यूपा दु । वया नुगलय् खँ दासि वल । नुगलय् खं ल्हाकु ल्हाकु गुबले छेँ थ्यन वं वा हे मचा । थ मां नापं मखना मांयात घ्वाय् धुंका तिनि वया होस चाम्ह थें जुल । गन जक मिखा तया जुइगु धइनि थपा धिकम्ह मनु हे मखं धैगु नं दुला । मा नं ब्व विया च्वंसा वया न्हाय्प अन मदु व विस्तारं तल वन कोठाय् दुने च्वना अझ नं थम्ह खंग खँ सत्य खला छु खः वं सिके मफया च्वन । थबले लाक्क मा कोठाय् दुहाँ वया । मखु थौं छन्त छु जुगु धयागुनि म्हजक मफत कि छु । कि छुं मखुगु ज्या याना वया । मांयात छक पुलुक्क स्वल । अले छुं विचा यानाः मांयात धाल । मां व नलि चा दु नि वया मां गुलि बांला नेवाः धैम्ह व थें जुइमा ख ला मां । व दय्कुगु नसात्वसा नं गुलि जक सा । तर थौं दुन मां इमि त्वाः भ्वय् वया बां ला भ्वय्थाय् दु तर मां म ला ख्वा हे ख्यूका च्वना च्वन । व खनाः जिगु मनय् खँ ल्हाना च्वंगु का मा ।
“ए अथेला तर व निल चिया मां ला नेवाः मखुनि व छम्ह खेँनि का उकें झिगु समाजय् बेजातपिं मिसा ब्या यातकि झिगु त्वालय् थ्याकि मखु । ”
“अले वया बां चाहि छाय् थ्यागु ले”
“बा धैम्ह ला थगु त्वाःया काय् मचा”
“अले वं ब्याहा याय धुंका वया कला जुइधुंका व चाहि छाय् मथ्यागुले ”
“न्हापानिसें यानावयाच्वंगु चलन गथे याना न्हंकेगु ”
“अले व्याहा यानाः नापं द्यम्ह काय् जिउ अले वया कलाचाहि छाय् मजिउगुले ”
“मिसा पिं धैपिं गबले नं मिजं ति ग्यनि मखु ”
“छाय् ले मा ”
“यदि जिं नं थ यम्ह यजु नापं ब्याहा यातकि थथे हे जुइ ला”
“जुइ नि झिगु समाजं मिसापिन्त गबले हे थकाय्गु याइमखु चाहे छ जुइमा या मेम्ह”
“अले निलया मानं ला नेवाःथें दक्व याय् स नेवाः भाय् नं ल्हाय् सं उदि दयां मगाला ”
“मगाला जुइनि ”
“अले व हाकुचिया मां नेवाः जुया नं नेवाः भाय् ल्हाय् मवः नेवाः नसा ज्वरय् याय् मवं वयात चाहि त्वालय् दुकया तगु दु ”
“वहेला धैगु नि वं झिगु जातयाम्ह ”
“ए भाय् मसिउम्ह नसात्वसाया छुं विचाः मदुम्ह चाहि झिगु जातयाम्ह
व नेवाःया दक्व कालविल सिउम्ह चाहि मेगु जातयाम्ह”
“अथे खसा झिगु समाजं म्ह्याय्पिन्त मेगु जातयापि ब्याहा याय्मजिउ धाथें
काय्पिन्त नं मेगु जातयाम्ह हय्मजिउ थगु जातयाम्ह हे हय्मा मखुसा व मिसायात जक मखु छन्त नं थ्व त्वालं पिताना छ्वइ धका धाय् मागुनि ”
“ग्व आतक थ्व समाजं थथे व्यवहार मया छं व जिं जक धया छु याय्गु ”
“जितला थ्व समाज खनां कनाचायापु अथे नं जुइला थ्व ला सरासर पितृसत्तामक राज्य हे जुलनि मखुला”
“ग्व जिं छुं धाय् मफु ”
“जि गजागु समाजय् हुर्के जुयाच्वना, जिगु भविष्यय् छुं जुइ छुं धाय् मफु छाय्कि कि जि मिसामचा ”