इजरायलया निंतिं निवर्तमान नेपाःमि राजदूत अन्जान शाक्यं इजरायलय् थःम्ह न्ह्याकागु थीथी ज्याखँत दुथ्याकाः परराष्ट्र मन्त्रालयस वंगु मंगलवाः प्रतिवेदन लःल्हाःगु खः ।
प्रतिवेदनय् शाक्यं थःगु ज्याइलय् नेपाः व इजरायल दथुइ राजनीतिक, आर्थिक व जनस्तरया सम्बन्धया लागाय् जूगु ज्याखँत न्ह्यथंगु दु ।
निवर्तमान राजदूत शाक्यं परराष्ट्र सचिव भरतराज पौड्यालयात थःगु प्रतिवेदन लःल्हाःगु खः ।
