ज्यापू महागुथि नेपाः येँ महानगर समितिया नायः पञ्च नारायण महर्जनया जहान सीता महर्जन आकाझाकां मन्त। ५७ दँया सीता महर्जन वंगु मंगलवाः सुथय् पाटन हस्पितलय् मदुगु खः।
छुु न्हिं न्ह्यः निसें वयकः पुलि स्याइगु ल्वचं कयाच्वंम्ह खः । वय्कःया पुलि स्याः ल्वय् बांलाक ज्यंकेगु निंतिं थीथी जाँच यायेत अस्तपालय् भर्ना याना तयागु व जं लः लिकयाः जाँच याःगु इलय् गंल्वय् खनेदुगु तर उकिया ब्याक्कं जानकारी मवःनिगु इलय् आकाझाकां मदुगु छेँजःपिसं धाःगु दु । सुथय् तकं खल्हाबल्हा यानाच्वम्ह वय्क सुथय् ५ बजे ब्रेनस्टक जुयाः मदुगु वय्कःया छेँजःपिन्सं धाःगु दु।
मदुम्ह महर्जनया अन्तिम संंस्कार टेकु दुवानय् जुगु खः । वय्कया स्वम्ह म्याय् व जहान पञ्च नारायण महर्जन दी।