नेपालभाषा ब्वनामिपिनिगु ख्वाःपाै “सुकुन्दा” पत्रिका निरन्तर रूपं प्रकाशन यायेत नेवाः संघसंस्थापिन्त सहकार्य व सह-प्रकाशक जुइत सुकुन्दा साहित्य पाला: पाखें विशेष इनाप याःगु दु ।
सुकुन्दा दँपाै पिथनेगु निंतिं थुगुसि निसें नेपालभाषा, कला, साहित्य, संस्कृति उत्थानया नितिं सक्रिय जुया च्वंगु थीथी संघ संस्था नाप सहकार्य याइगु जूगु दु ।
नेपालभाषा ख्यलय् गौरवमय ईतिहास कुबुयाच्वंगु सुकुन्दा साहित्य पालाया दँपाै “सुकुन्दा” ८ गू ल्याः प्रकाशन यायेगु निर्णय कथं सकल नेवा: संघ संस्था तयत सहकार्य यायेत विशेष निमन्त्रणा याःगु खः ।
सुकुंदा साहित्य पाला:या नायः प्रशान्त डंगोलया संयोजकत्वय् नेवा: बिद्यार्थी यूनियनया व्यवस्थापनय् “सुकुन्दा” ८ दँपाै प्रकाशन याये त्यंगु खँ नेवा: बिद्यार्थी यूनियनया नायः रिदेन महर्जनं कनादीगु दु ।