आर्यलोकितेश्वरयाथाय् लच्छिया तुतः ब्वनेज्या क्वचाल

गुुंला लछितक लोकेश्वरयाथाय् आर्यावलोकितेश्वर करुणामय संरक्षण समितिया ग्वसालय् न्ह्याःगु तुत ब्वनेज्या सोमवाः क्वचाल । येँ मनपा १२ वडाया लस्कननिइ च्वंगु आर्यलोकितेश्वरया देगः न्ह्यःने च्वनाः तुत ब्वनेगु ज्या ताई न्ह्य निसे न्ह्यानाच्वंगु खः । न्ह्यनेया वर्षय तुतु व्वनिपिं म्हो जक जुसां तुतया सफू पिहाँवसां निसें तुत ब्वनेगुलिं मनुत अप्वः जुगु खः छ्याञ्जे अनिता महर्जन कनादिगु खः ।
नायः रामेश्वरया कथं वयकया मां नं तुत ब्वनेगु इलय् थगु हे छेँ मनुत मुनाः तुत ब्वनेगु यानाः च्वंगु खः । वयकलं तुत ब्वनेगु निरन्तर यायेगु नितिं थम्ह सगु स्वरलिपि सकलसित स्यना तुत ब्वनिपिं मनुत मुंकेत तालागु खः ।
तुत ब्वनेगु क्वचागु दिनय् पारु भ्वय् नकेगु नाप नापं मिसापिन्स डबडब नं थायेगु ज्या क्वचागु खः । नापं युवा पुस्तापिन्स न्ह्याका च्वंगु महाकालि प्याखं म्वःपिन्त सगं विइगु ज्या नाप वयकपिनिगु महाकालि प्याखँ ल्हुकेगु नं जुगु खः ।