येँ महानगरपालिका–६ बौद्ध निवासी दाता पूर्णसिद्धि शाक्य परिवारं यलाा सुरशचन्द्र महाविहार (न्हाय्कं बही) यात दीपंकर बुद्ध मूर्ति दान यात ।
नेवाः बज्रयान परम्पराय् पञ्जरांया दिं याइगु महादानय् दीपंकर तथागत ब्वयेमा । थ्वहे परम्परायात कथंहंकेत दीपंकर बुद्ध मदुगु नेपालमण्डल दुनेया महाविहारयात दाता शाक्य परिवारं मूर्ति दान याना वयाच्वंगु खः । २०७१ सालं सुरु याःगु मूर्ति दान ज्याझ्वःयात निरन्तरता ब्यूसें झिंछम्हम्ह दिपंकर मूर्ति न्हाय्कंबहीयात लःल्हाःगु खः । स्वंगु फीट तःधिकम्ह लुँ पानातःम्ह दीपंकरया मूर्तिनाप दां न्यय्द्वः तका नं लःल्हाःगु खः ।
मूर्ति दान यायेन्ह्यः दाता परिवारया छेँ नं मूर्ति पितहया खास्ति नामसंगिती पुचःया धा बाजं व लामागुरुतय् बाजं थाना खास्ति चाःहिकूगु खः । चाःहिकधुंकाः मूर्तिइ बज्रयान विधि कथं प्राण प्रतिस्था पुजा याना दाता पूर्णसिद्धि शाक्य, अन्जली शाक्य परिवारं संकल्प पुजा याना मूर्ति न्हाय्कंबहीया सर्वसंघयात लःल्हानादीगृ खः । मूर्ति लःल्हाना कायेधुंकाः महाविहारया पाखें नं सुभाय् पौ नापं दातापरिवारयात सुभाय् देछायेगु ज्या जुल ।
ज्याझ्वलय् खास्ति नामसंगिती पुचलं नामसंगिति पाठ याःगु खःसा दाता परिवार पाखें सकल संघसदस्यतय्त दानप्रदान याःगु खः ।