डिस्कभर नेपाल डान्स थिएटर डिएनडिटीं परम्परागत लोकनृत्य क्षेत्रय प्यम्ह अग्रणी अनुसन्धानकर्ता तथा विज्ञपिन्त छगु ज्याझ्वयानाः सम्मान यागु खः ।
डिएनडिटिं निक्वःगु राष्ट्रिय लोकनृत्य कार्यशाला(२०८२ धिमे विशेष या अवसरय् ग्वसाग्वयाः वय्कपिन्त सम्मान यागु खः ।
मध्यपुर थिमिया वरिष्ठ लोकनृत्य प्रशिक्षक श्रीगोपाल प्रजापति, ख्वपया वरिष्ठ संगीत प्रशिक्षक तथा अनुसन्धानकर्ता मुक्तिसुन्दर जधारी, यलया वरिष्ठ नृत्य निर्देशक तथा लोकनृत्य विशेषज्ञ मोहन व्यञ्जनकार व येँया देँ बाजं गुरु नापं वरिष्ठ परम्परागत बाजा प्रशिक्षक शेष नारायण महर्जनपिन्त सम्मान यागु खः ।
सम्मान शिक्षामन्त्री रघुजी पन्तया मूपाहाँसुइ जुगु खः । प्यम्हेसितं परम्परागत कलाया संरक्षण व प्रवर्द्धनय् योगदानबियादिगुलिं थुगु सम्मान बिगु खः । सम्मानय् दसिपौ नापं झिद्व तका दां नं लल्हागु खः ।
थुगु हे ज्याझ्वलय् लोकनृत्यया मेमेगु विधाय् नं सम्मान यागु खः ।