धात्थें छ लिसेया थ्व मतिना
थथे म्हाइपुगु कासा ज्वी धकाः
जिं न्हापांं हे तुं ध्वामथुल
जिगु थ्व हे तःधंगु भुल जुल ।
खः जि छनाप मचायेकं सतिना
हानं छंगु हे प्याखंपाय् कतिना
एकति यःत्यःया चक्करय् दुबिनाः
द्यःने द्यःने जिं लाल कया च्वना ।
अदृश्य जाः खनि न्हिलासु छंगु
झंगः लायेवं तिनि थ्व मति दंगु
अहो ! न्ह्यपु जायेक म्हगस इंगु
बांलाक चाल जिं झ्वाकलय् थुंगु ।
अथे खःसां दोष छंगु जक मखु न्हां
जिगु नं ल्वाकज्याः अन भतिचा जूसां
उकिं न त्वःते फु छन्त, न छंगु गां
च्वना जि सह याना, वाक्कु छिनाः सांं ।