यःमरि तिसा खः
दकले न्हापां निदँ बुदिंबले जितः तीकल
यःमरि ब्वसा खः
प्यदँ बुदिंबले जित न्हिइकल
यःमरि सुख खः
खुदँ दुबलेनं अर्पण यात
यःमरि सौन्दर्य खः
च्यादँ दुबलेनं छाय्पिल ।
यःमरि सम्मान खः
झिदँ व झिनिदँ दुबले देछात
यःमरि उत्तम उपयोगी खः
हरेक नखचखःया संस्कृतिं जितः थुइकल ।
यःमरि जात्रा पर्वय् माः
चाकु, नैंक्या खुवा दया तसकं साः
चतांमरि, ल्वँचामरी, लप्तेमरी
थिंलापुन्हिया छताजि सागु मरी यःमरी ।
यःमरि च्यामु उकेदुने ह्यामू
बिउम्ह ल्यासे, मब्यूम्ह बुरीचा
त्यःछित्य, बकछि त्यः
मचानिसे म्हिता वयागु गुलि न्ह्याइपुसे च्वं ।
यःमरि जिगु मरि
यःमरि छिगु मरि, झिगु मरि
मचानिसें बुरातक सकसित ल्वःगु मरि
यःमरि नेपाःया मरि – यःमरि !