वल छ थन झिला तक्क प्वाथय् च्वना
वन छ थनं फुक्क थःथिति ख्वयेका ।।
मोटरय् तयाः बाजं पुइका हल छन्त थन ।
प्यम्हेसिनं कुबिइकाः बाजं पुइका वन थनं ।।
लसकुस यानाः दुकाल न्हिलाः न्हिलाः थन
आः यंकल कूतालय् तयाः ख्वया थनं ।।
थन वल मां अबु, तता केहेँ, त्वःताः छं ।
वन थनं आः फुक्क जिपिं वान्छ्वयाः छं ।।
थन वःबले नं झिझाय्मझाय् दंकाः अन
वन नं छ प्वक्तां यानाः ख्वयेकाः फुक्क थन ।।
छंयात सुसाःकुसा जिमिगु त्यानु मचासे
अथे तुं वन छ थनं त्वःताः छुं मज्वंसे ।।
धन्य खः छ ! जिमिसं भाः पिना
वय् जिपिं नं आकन, व हे लँपु लिना ।।