- राष्ट्रिय समाचार समिति (रासस)
प्रधानमन्त्री केपी शर्मा ओलीं नकतिनि हे धैथें माल्द्विभ्सय् क्वचाःगु १५ क्वःगू शारीरिक सुगठन धेंधें बल्ला कासाय् पदक त्याकावःपिं कासामिपिन्त हनादीगु दु ।
थीथी तौल समूहय् पदक त्याका देय्या नां तःपिं रुपेश शाही, प्रज्ज्वल शाक्य, रजनी श्रेष्ठ व सोनाम मूलगुठीयात प्रधानमन्त्री निवासय् वय्कलं हनादीगु दु ।
प्रधानमन्त्री ओलीं शारीरिक सुगठनयात कासाया रुपं विकास यायेत अप्वः सम्भावना दुगुलिं राज्यपाखें थ्व कासाया विस्तारया निंतिं सरकारं हःपाः बिइगु धयादिल ।
नेपाल शारीरिक सुगठन महासङ्घया नायः राजेशबाबु श्रेष्ठं थ्व कासापाखें पर्यटन प्रवर्द्धनय् ग्वाहालि जुइगु जुगुलीं थ्व कासाया विकासया निंतिं सरकारं प्राथमिकता बिइमाःगु खँय् बःबियादिल । उगु झ्वलय् मदन भण्डारी स्पोर्ट्स एकेडेमीया नायः ध्रुव आचार्यं नं ब्वति कयादीगु खः ।